ნორვეგიელმა გულშემატკივარმა ტოტალიზატორში უცნაურ ფსონზე დადო ფული: ურუგვაი-იტალიის მატჩში ლუის სუარესი... ვინმეს უკბენდა თუ არა. 32 ნორვეგიული კრონა დადო, ფსონი 175,0-ს შეადგენდა და 5600 კრონა მოიგო, რაც 815 ამერიკული დოლარის ექვივალენტია.
78-ე წუთზე სუარესს გაახსენდა თავისი კბილების ძალა და ჯორჯო კიელინის მხარში ჩააფრინდა. მსაჯმა მომენტი უყურადღებოდ დატოვა, თუმცა “ლივერპულის” სუპერვარსკვლავს სერიოზული სანქცია ელის: დღეს გამოიტანენ გადაწყვეტილებას. ფიფა-დან ინფორმაციამ გამოჟონა: თუ სუარესს ბრალდება დაუმტკიცდება, სულ მცირე, 24-მატჩიან უქმობას გამოუწერენ.
ურუგვაელი ფორვარდი აცხადებს, კიელინისთვის არ მიკბენიაო, მაგრამ იტალიელმა მცველმა “ნივთმტკიცება” წარმოადგინა.