ბრაზილიიდან მადრიდში მიმავალ ესპანეთის ნაკრების თვითმფრინავს მეხი დაეცა. საბედნიეროდ ყველაფერი კარგად დამთავრდა. ლაინერი უკვე მადრიდის აეროპორტში ეშვებოდა, როცა თვითმფრინავი ძლიერმა დარტყმამ შეაზანზარა. აღმოჩნდა, რომ მეხი მარჯვენა ფრთას დაეცა. მგზავრებს ცხადია, შეეშინდათ, მაგრამ არავინ დაშავებულა. მოკლედ, არ უმართლებთ ესპანელებს ბოლო დროს. ჯერ იყო მსოფლიო ჩემპიონატზე ფავორიტებად ჩასულებს დიდი იმედგაცრუება ელოდათ, ჯგუფში ჯერ ჰოლანდიასთან წააგეს (1:5), შემდეგ ჩილესთან (0:2) და ტურნირს ნაადრევად გამოეთიშნენ, ბოლო ტურში ავსტრალიასთან 3:0 აღარაფერს ნიშნავდა. შემდეგ კი კინაღამ ავიაკატასტროფის მსხვერპლნი გახდნენ.