“მარაკანაზე” ჩასატარებელ მატჩიდან მატჩამდე ორგანიზატორები უსაფრთხოების ზომებს სულ უფრო ამკაცრებენ. სტადიონისკენ მიმავალ გზებს რამდენიმე პარალელური ქუჩის იქით კეტავენ და პოლიციის კორდონები რომ გაიარო ან მატჩზე დასასწრები ბილეთი უნდა აჩვენო ან აკრედიტაცია.
დღეს, საფრანგეთი-ეკვადორის დაპირისპირებაა და მითუმეტეს, როცა სამხრეთამერიკული გუნდები თამაშობენ, ორგანიზატორთა ასეთი საქციელი გასაგებია. ჩილეს უბილეთო ფანების საქციელი ჯერ კიდევ კარგად ახსოვთ. ამიტომ, განსაკუთრებით ეკვადორელებს ამოწმებენ.
თამაშამდე რამდენიმე საათია დარჩენილი და ეკვადორელები “მარაკანასთან” უკვე იკრიბებიან. ფრანგები ჯერ ნაკლებად ჩანან, მაგრამ ალბათ ცოტა ხანში მათი გულშემატკივრებიც ახმაურდებიან. ეკვადორელი ქომაგები ერთად ფოტოებს იღებენ, დროშებს აფრიალებენ, მღერიან, ტელევიზიებს ინტერვიუბს აძლევენ. მოკლედ, მომავალი შეხვედრისთვის მზადება დაწყებული აქვთ.
ლაშა თაბაგარი worldsport.ge-ს სპეციალური კორესპონდენტი რიო დე ჟანეიროდან