საფრანგეთი-ეკვადორის მატჩის დაწყებამდე ორი საათი დარჩა და “მარაკანას” მიმდებარე ტერიტორიაზე “დუღილის” ტემპერატურამ იმატა. თუ დილას მხოლოდ ეკვადორელი ფანები ჩანდნენ, ახლა ფრანგებიც ადგილზე არიან.
სტადიონის წინ ქუჩა გადაკეტილია და ერთ მხარეს ეკვადორის გულშემატკივრები იმყოფებიან, მეორე მხარეს – საფრანგეთის. შუაში პოლიციაა რაიმე გაუგებრობის თავიდან ასარიდებლად.
პირადად ასეთ სურათს შევესწარი, ეკვადორელები გაჰყვიროდნენ: “ეკვადორ, ეკვადორ”, ხოლო ფრანგები “მარსელიოზას” მღეროდნენ. მიუხედავად იმისა, რომ ორივე მხარე თავის ნაკრებს თავგამოდებით ქომაგობს, მათ შორის არც ინციდენტები ხდება და არც სიტუაცია იძაბება. ერთმანეთს მხოლოდ სიმღერაში, შეძახილებსა და დროშების ფრიალში ეჯიბრებიან. ორიგინალურად გამოწყობილ ფანებსაც რა დალევს.


ლაშა თაბაგარი worldsport.ge-ს სპეციალური კორესპონდენტი რიო დე ჟანეიროდან