მიმდინარე მუნდიალი მართლაც გამორჩეულია გოლების სიუხვით. შევადაროთ 2010 წლის მსოფლიოს ჩემპიონატისას: მაშინ 64 მატჩში 145 გოლი გავიდა, ანუ ერთ მატჩში საშუალოდ 2,27. ჯგუფურ ეტაპზე მაშინ მთლიანად 101 ბურთი იყო გასული, ახლა კი 4 მატჩი დარჩენილია და უკვე 129 გოლი ვიხილეთ.
44 მატჩში 129 გოლი – საშუალოდ, 2,95. ეს მისასალმებელია, რადგან გუნდების დიდი უმრავლესობა შეტევაზეა მომართული.
საინტერესოა, რომ 1998 წლის შემდეგ პირველად მოხდა, რომ მუნდიალზე 32-ივე ნაკრებმა თუნდაც ერთი გოლი გაიტანა.
ამ მუნდიალის საიუბილეო, მე-100 გოლი კი ბრაზილიელ ნეიმარს ეკუთვნის (კამერუნთან, როცა ანგარიში გახსნა).