კევინ-პრინს ბოატენგმა და სალი მუნტარიმ ერთმანეთში იჩხუბეს, რის გამოც განის ნაკრებს დაემშვიდობნენ. მთავარმა მწვრთნელმა კვესი აპიამ განაცხადა, რომ ისინი ამ ეტაპზე ნაკრებში ყოფნის ღირსნი არ არიან.
თუმცა, სხვა ინფორმაციაც გავრცელდა: ბოატენგსა და მუნტარის მხოლოდ ერთმანეთში არ უჩხუბიათ. რამდენიმე დღის წინ, მუნტარის სიტყვიერი შეურაცხყოფა მიუყენებია ნაკრების ერთ-ერთი მწვრთნელისთვის, ხოლო ბოატენგს ნაკრების მენეჯერისთვის უგინებია.
როგორც იცით, განელები პორტუგალიასთან თამაშს საერთოდ არ აპირებდნენ, რადგან დაპირებული თანხა არ ჰქონდათ მიღებული ქვეყნის მთავრობისგან. მათ დღეს დილით მიიღეს ეს თანხა (ჯამში 3 მილიონი დოლარი) და ყველაფერი მოგვარდა. ყველაფერი, გარდა ბოატენგისა და მუნტარის ნაკრებიდან გაგდებისა...