Sky Italia-ს ინფორმაციით, იტალიის ეროვნული ნაკრების თავდამსხმელ მარიო ბალოტელსა და აწ უკვე ყოფილ მთავარ მწვრთნელ ჩეზარე პრანდელის შორის კონფლიქტი ამოწურულია.
შეგახსენებთ, რომ ურუგვაისთან მატჩისას, რომელიც “სკუადრა აძურამ” 0:1 დათმო და მსოფლიოს ჩემპიონატს დაემშვიდობა, შესვენებაზე პრანდელსა და ბალოტელის შორის დაპირისპირება მოხდა და შედეგად, მეორე ტაიმში მოედანზე მარიოს ნაცვლად მარკო პაროლო გამოვიდა.
საუბარი იყო სერიოზულ კონფლიქტზე, თუმცა, ახლა ბალოტელიმ მწვრთნელს მოუბოდიშა და უსიამოვნება წარსულს ჩაბარდა. მწვრთნელი და ფეხბურთელი თვითმფრინავში შერიგდნენ, რომლითაც იტალიის ნაკრები შინ ბრუნდებოდა. შეგახსენებთ, რომ იტალიის ნაკრების წარუმატებლობას ბევრი სწორედ ბალოტელის უღიმღამო თამაშს უკავშირებს.