პორტუგალიის ეროვნული ნაკრების კაპიტანმა კრიშტიანუ რონალდუმ, განის ნაკრებთან მოგებული მატჩის (2:1) შემდეგ, ჟურნალისტებისთვის კომენტარი გააკეთა. პორტუგალიელებს პლეი ოფში გასასვლელად 4-ბურთიანი სხვაობით გამარჯვება სჭირდებოდათ, მაგრამ არ გამოუვიდათ.
“ბევრი საგოლე მომენტი შევქმენით, მაგრამ მათი რეალიზაცია დიდი პრობლემა იყო. სამწუხაროდ, საჭირო შედეგს ვერ მივაღწიეთ. გერმანიისა და აშშ-ს ნაკრებთა მატჩის შედეგი ვიცოდით და საგოლე მომენტები რომ გამოგვეყენებინა, მომდევნო ეტაპზე გავიდოდით. ბიჭებმა მოედანზე ყველაფერი იღონეს. მაქსიმალურად დავიხარჯეთ, მაგრამ ფეხბურთი ასეთია”, - განუცხადა მადრიდის “რეალის” ვარსკვლავმა იტალიურ მედიას.
შეგახსენებთ, რომ განის ნაკრებთან გამარჯვების გოლი სწორედ რონალდუმ მიითვალა.