გერმანიის ეროვნული ნაკრების მთავარმა მწვრთნელმა იოახიმ ლიოვმა, აშშ-სთან მოგებულ შეხვედრას (1:0) დამსახურებული უწოდა. გერმანელი სპეციალისტი თვლის, რომ მისმა ფეხბურთელებმა ამერიკელების გაკონტოლება შეძლეს.
"ჩვენ ძალიან კარგად ორგანიზებული და დომინანტური მატჩი ჩავატარეთ. ამერიკის შეერთებული შტატების ფეხბურთელებს შანსის გამოყენების უფლება არ მივეცით და საბოლოოდ გავიმარჯვეთ. ნახევარდაცვაში, როგორც ყოველთვის, კარგად გავისარჯეთ. შვაინშტაიგერი მბრწყინვალე იყო, ხედირას კი შანსი მიეცა დაესვენა. ახლა ჩვენ მერვედფინალში ვართ, ეს განსხვავებული ეტაპია, ერთ მატჩში ყველაფერი უნდა ჩადო, რათა მუნდიალს არ დაემშვიდობო. ასე რომ, ჯგუფური ეტაპისგან განსხვავებით, მეტი კონცენტრაცია გვმართებს." - განაცხადა ლიოვმა.
გერმანიის ეროვნული ნაკრების მეტოქე მერვედფინალში ალჟირის გუნდი იქნება. შეგახსენებთ, რომ 1982 წლის მუნდიალზე, იმდროინდელმა დასავლეთ გერმანიის ნაკრებმა, არაბებთან ჯგუფური ეტაპის მატჩი 1:2 დათმო.