ალჟირის ეროვნული ნაკრების მთავარმა მწვრთნელმა ვაჰიდ ჰალილჰოჯიჩმა, რუსეთის წინააღმდეგ (1:1) მისი გუნდის თამაშს გმირული უწოდა. მატჩის შემდგომ პრესკონფერენციაზე ბოსნიელმა სპეციალისტმა 1982 წლის დასავლეთ გერმანია - ალჟირის დაპირისპირებაც ახსენა.
"ძალიან, ძალიან ვამაყობ მიღწეული შედეგით, ჩვენ გმირული მატჩი ვითამაშეთ და შემდგომ ეტაპზე დამსახურებულად გავედით. გუნდმა ამ შედეგს დიდსულოვნების, ენთუზიაზმის და დისციპლინის ხარჯზე მიაღწია. ჩვენ 32 წლის წინანდელი შეხვედრა დასავლეთ გერმანიის წინააღმდეგ არ დაგვვიწყებია, როდესაც ალჟირელებმა 2:1 მოიგეს. ყველა საუბრობს იმ ისტორიულ შეხვედრაზე. ბრაზილიაში ძალიან უყვართ ჩვენი მებრძოლი გუნდი. ალჟირი უხეში ნაკრები არაა, ჯგუფურ ეტაპზე ძალიან ცოტა ყვითელ ბარათს ვიღებდით და ეს ჩვენ კორექტულობაზე მეტყველებს. მერვედფინალში გერმანიის წინააღმდეგ დიდებული შეხვედრა გამოგვივა და იმედია, სანახაობრივ მატჩს ვაჩვენებთ." -განაცხადა ჰალილჰოჯიჩმა.