“სამწუხაროა, რომ კრიშტიანუ რონალდუ ვეღარ ითამაშებს ამ მუნდიალზე. პორტუგალიელს საუკეთესო თამაში უნდა ეჩვენებინა, რათა პორტუგალიას დიდი ანგარიშით დაემარცხებინა განა და ჯგუფიდან გასულიყო” – განაცხადა მადრიდის “რეალის” ლეგენდამ, რაულმა.
36 წლის რაულს მიაჩნია, რომ კრიშტიანუ რონალდუ მადრიდის “რეალმა” გადატვირთა:
“არაერთი ბრწყინვალე ფეხბურთელი დააკლდება ფლეი-ოფის მატჩებს. მათი ნაკრებები ჯგუფში ჩარჩნენ. რონალდუ წლეულს მსოფლიოში საუკეთესო გახლდათ, მაგრამ პირველი შემთხვევა არაა, როცა კლუბმა გამოწურა ფეხბურთელი. “რეალმა” რონალდუ გადატვირთა, გამოფიტა და ფეხბურთელს უკვე ძალები აღარ შერჩა, რათა მუნდიალზე თავისი შესაძლებლობები სრულად წარმოეჩინა”.