მსოფლიო საფეხბურთო ჩემპიონატის 1/8-ფინალში, კოლუმბიასა და ურუგვაის შორის “მარაკანზე” ჩატარებული მატჩის საუკეთესო მოთამაშე კოლუმბიელი ჰამეს როდრიგესი გახდა, რომელმაც მეტოქის კარში ორი გოლი გაიტანა.
თამაშის შემდეგ, როდრიგესი მუნდიალის ერთ-ერთმა ოფიციალურიმა სპონსორმა ლუდის მწარმოებელმა კომპანია “ბუდვაიზერმა” სპეციალური პრიზით დააჯილდოვა.
22 წლის ფეხბურთელმა განაცხადა, რომ გამარჯვებით ძალიან კმაყოფილია და კოლუმბია ისტორიაში შევიდა. მისი აზრით, საუცხოო მატჩი ჩაატარეს და კოლუმბიის ნაკრებს ძალიან კარგი ფეხბურთელები ჰყავს. როდრიგესს ტაბარესის სიტყვების აუწყეს, რომელმაც ის ნიჭით მარადონას, მესისა და სუარესს შეადარა. კოლუმბიელის თქმით, თანაგუნდელები რომ არა, მარტო ვერაფერს გახდებოდა.
მსოფლიო პირველობის 1/4-ფინალში ბრაზილიასთან დაპირისპირების თაობაზე როდრიგესმა აღნიშნა, რომ გუნდი თავის სათამაშო სქემას არ შეცვლის და მომავალ შეხვედრაში გამარჯვებისთვის იბრძოლებს.

ლაშა თაბაგარიworldsport.ge-ს სპეციალური კორესპონდეტი რიო დე ჟანეიროდან