ჩილეს ეროვნული ნაკრების მთავარმა მწვრთნელმა ხორხე სამპაოლიმ, ბრაზილიის წინააღმდეგ პენალტების სერიაში წაგებული მატჩის შემდეგ განაცხადა, რომ "ლა როხა" "სელესაოს" თანასწორი გუნდი იყო.
"დამსახურებული გამარჯვებების მჯერა, მათ ეს ვერ მოახერხეს. ჩვენ თანასწორი გუნდები ვიყავით, მაგრამ რას ვიზამთ, ფეხბურთი ასეთია. პენალტებამდე მატჩის მოგება გვინდოდა. არ ვიცი ბრაზილია თუ შეძლებს მსოფლიო ჩემპიონატის მოგებას. მატჩის წინ ჩემს ფეხბურთელებს ვუთხარი, რომ ებრძოლათ მამაცურად და შეექმნათ ისტორია. ჩვენ გვყავს მოთამაშეები, რომლებმაც ეროვნული ნაკრებისთვის საკუთარი ჯანმრთელობა რისკის ქვეშ დააყენეს. მათ მეტს ვერ მოვთხოვდი და ჩემი გუნდით ვამაყობ." _ განაცხადა ჩილელთა დამრიგებელმა.