ისე როგორ ჩაივლიდა მუნდიალის პირველი მერვედფინალური დაპირისპირება ბრაზილიასა და ჩილეს შორის, უსიამოვნო ინფორმაცია რომ არ გავრცელებულიყო.
ბელუ-ორიზონტის სტადიონ "მინეირაოს" მახლობლად ბარში, პენალტების სერიის დროს 69 წლის მამაკაცი გარდაიცვალა. ბრაზილიური მედიის ცნობით, აღნიშნულ პიროვნებას დიაბეტი აწუხებდა. საფეხბურთო ლატარეის დროს მან თავი შეუძლოდ იგრძნო, სასწრაფო დახმარებამ საავადმყოფოში გადაიყვანა, თუმცა ექიმებმა მისი გადარჩენა ვერ შეძლეს.
ოფიციალური ინფორმაციით, განვლილი დაპირისპირების დროს, 98 ადამიანს ჯანმრთელობის პრობლემა შეექმნა.
მსგავსი ინციდენტები დიდი ტურნირებს ყოველთვის თან ახლავს. მითუმეტეს თუ მასპინძელი, ფავორიტი ქვეყნის გულშემატკივარს ეხება საქმე.