ფეხბურთის არგენტინელმა ლეგენდამ, დიეგო მარადონამ ურუგვაელი ლუის სუარესი დაიცვა და პელესა და ბეკენბაუერს იდიოტები უწოდა.
იტალიასთან გამართულ მატჩში ჯორჯო კიელინისთვის კბენის გამო, სუარესი 4-თვიანი დისკვალიფიკაციით დაისაჯა. პელე და ბეკენბაუერი მიიჩნევენ, რომ FIFA-ს გადაწყვეტილება ადექვატური იყო, მაგრამ მარადონას სხვა აზრი აქვს.
“ორივე მათგანი იდიოტია. მათ სისულელეები ილაპარაკეს. თუმცა, მათი მესმის, რადგან ისინი FIFA-ში მუშაობენ.” – აცხადებს მარადონა.
დიეგო ბრაზილიისა და ჩილეს შეხვედრაზეც საუბრობს და აცხადებს, რომ სკოლარის შეგირდები 1/4-ფინალში დაუმსახურებლად გავიდნენ: “ბრაზილიის მეოთხედფინალში გასვლა მსოფლიოს ჩემპიონატის პირველი უსამართლობაა. ამ გუნდს ეს არ დაუმსახურებია. ბრაზილია მომდევნო ეტაპზე მხოლოდ დავიდ ლუისის, ტიაგუ სილვასა და ჟულიო სეზარის წყალობით გავიდა.”