მექსიკის ეროვნული ნაკრების ცენტრალურმა მცველმა ექტორ მორენომ ჰოლანდიასთან 1:2 წაგებულ შეხვედრაში ფეხი მოიტეხა.
26 წლის “ესპანიოლის” ფეხბურთელი შესაცვლელი ჯერ კიდევ შესვენებამდე გახდა. მიზეზი უმძიმესი ტრავმა აღმოჩნდა, რომელიც მან რობენთან დაპირისპირებისას მიიღო. მორენო მოედნიდან პირდაპირ საავადმყოფოში გადაიყვანეს, სადაც დადასტურდა კიდეც ყველაზე ცუდი ვარაუდი. ამის შესახებ მექსიკელთა მთავარმა მწვრთნელმა მიგელ ერერამ მატჩისშემდგომ პრესკონფერენციაზე განაცხადა.
ექტორის მოედანზე დაბრუნების შესაძლო ვადებზე ჯერჯერობით არანაირი ინფორმაცია არ ვრცელდება. დანამდვილებით მხოლოდ იმის თქმა შეიძლება, რომ მას ესპანეთის პრიმერადივიზიონისთვის მოსამზედებელი ეტაპი და მისი სტარტი სრულად გაუცდება. კლუბის გამოცვლაზე, რისი იმედიც მორენოს ამ ზაფხულს ჰქობდა, საუბარიც აღარ ღირს. მისი შეძენა მადრიდის “ატლეტიკოს” და მარსელის “ოლიმპიკს” სურდათ.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია