საბერძნეთის ეროვნული ნაკრების მთავარი მწვრთნელი ფერნანდო სანტუში, კოსტა რიკასთან საფეხბურთო ლატარეაში განცდილი მარცხის მიუხედავად, საკუთარი შეგირდების ასპარეზობით კმაყოფილია. პორტუგალიელი სპეციალისტის განცხადებით, მარცხის მიზეზი მოწინააღმდეგის მეკარე კეილორ ნავასი აღმოჩნდა.
"ნავასი? შესანიშნავი იყო. მის გარეშე ტაბლოზე განსხვავებული შედეგი გვექნებოდა. არ მიყვარს იღბალზე საუბარი. დღევანდელ მატჩში იღბალი მათ მხარეს იყო და ამიტომაც, მათ ვულოცავ. ვფიქრობ, კოსტა რიკა სტარტიდან 15 წუთი ჩვენზე კარგად თამაშობდა, ამის შემდეგ კი თანასწორი ორთაბრძოლა წავიდა. გაშვებული გოლის შემდეგ მობილიზება მოვახერხეთ, შეხვედრა დამატებით დროში გადავიყვანეთ, თუმცა შემდეგ აღარ გაგვიმართლა." _ განაცხადა სანტუშმა.
შეგახსენებთ, რომ პორტუგალიელ მწვრთნელს საბერძნეთის ფეხბურთის ფედერაციასთან კონტრაქტი 30 ივნისს ეწურება და მისი ნაკრებიდან გაშვება უკვე გადაწყვეტილია.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია