ლეგენდარულმა არგენტინელმა დიეგო მარადონამ კოლუმბიის ნაკრები შეაქო, განსაკუთრებით კი მათი 10 ნომერი ხამეს როდრიგესი გამოარჩია. "მონაკოს" 10 ნომერი მიმდინარე მუნდიალის საუკეთესო ბომბარდირია 5 გოლით.

"კოლუმბია ბრწყინვალე, მობილურ ფეხბურთს აჩვენებს. უნდა ვიფიქროთ, რომ ეს გუნდი გამარჯვებებზე დაგეშილი ჩავიდა ბრაზილიაში და ფეხბურთელები ყველაფერს აკეთებენ, რათა ქვეყანა გაახარონ. ჯერ არ ვიტყვი, რომ კოლუმბია უპირველეს ფავორიტთა შორისაა, მაგრამ ასე თუ გააგრძელეს, ფრთხილად იყავით. ხამეს როდრიგესი კარნახობს თამაშის ტემპს და ბურთს მშვენივრად ფლობს. ვლაპარაკობდით იმაზე, რომ ეს ჩემპიონატი მესის ან ნეიმარისა იქნებოდა, ამ დროს კი გამოჩნდა ხამეს როდრიგესი".