მსოფლიოს ყველა დროის ერთ-ერთმა საუკეთესო მცველმა, 1978 წლის მსოფლიოს ჩემპიონმა დანიელ პასარელამ ერთმანეთს პელე და დიეგო მარადონა შეადარა. მან ბრაზილიელი თანამემამულეზე მაღლა დააყენა ინტელექტუალური თვალსაზრისით, თუმცა მარადონას უპირატესობებზეც ისაუბრა:

"პელეს უფრო კარგად ესმოდა თამაში. დიეგო სულ ეშხიანად თამაშობდა და ეფექტურად მოქმედებდა. ამ ორ ფეხბურთელზე ერთნაირ კონტექსტში ვერ ისაუბრებ, რადგან განსხვავდებოდნენ. პელემ 4 მუნდიალზე ითამაშა და 3-ჯერ გახდა მსოფლიოს ჩემპიონი. ეს უმნიშვნელოვანესი ფაქტია, თუმცა პელე და მარადონბა სხვადასხვა ეპოქაში თამაშობდნენ. როცა ბურთი ბრაზილიელს ჰქონდა, მას 3 მეტოქე იცავდა და ისიც პასს აძლევდა, მარადონა კი დრიბლინგზე მიდიოდა, სამ კაცს ატყუებდა და თავადაც გაჰქონდა გოლები".

პასარელამ, რომელიც 1998 წლის მუნდილაზე წვრთნიდა არგენტინას, განაცხადა, რომ ალეხანდრო საბელიას გუნდის თამაში მოსწონს:

"ამ მსოფლიოს ჩემპიონატზე ვერ ვხედავ ნაკრებს, არგენტინასავით დიდი ძალით რომ უტევდეს. ვფიქრობ, შვეიცარიასთანაც მოვიგებთ და გავხდებით ლეო მესის მიერ შესრულებული ბალეტის მოწმენი".