კოტ დ’ივუარის ეროვნული ნაკრების ერთ-ერთი ლიდერი იაია ტურე მსოფლიოს ჩემპიონატზე მსაჯობით უკმაყოფილოა და აცხადებს, რომ ხალხი აფრიკული გუნდების ჩაგვრას ყურადღებას არ აქცევს.

“არბიტრებმა ჩვენი საწინააღმდეგო გადაწყვეტილებები მიიღეს. იაპონიასთან მატჩში, მეტოქის კარში 2 აშკარა თერთმეტმეტრიანი არ დანიშნეს, ხოლო საბერძნეთთან, პირიქით მოიქცნენ და პენალტი ჩვენს კარში დანიშნეს.

რა თქმა უნდა, ამის გამო არავინ გაბრაზებულა, რადგან კოტ დ’ივუარი აფრიკული გუნდია. ვის ადარდებს აფრიკელების მიმართ უსამართლობა?

ამ შეცდომებმა ბევრი რამ დაგვაკარგვინა. ეს სკანდალია, მაგრამ, სამწუხაროდ, ბევრისთვის უინტერესო.” – ციტირებს ტურეს სიტყვებს Sky Sports-ი.