ბელგიის ნაკრების ნახევარმცველი აქსელ ვიტსელი მსოფლიოს ჩემპიონატის 1/4-ფინალში გასვლით არ კმაყოფილდება და აცხადებს, რომ მის გუნდს არგენტინის ბარიერის დაძლევაც შეუძლია.

“ჩვენი მიზანი მეოთხედფინალში გასვლა იყო. ეს მოვახერხეთ, მაგრამ ამით დაკმაყოფილებას არავინ აპირებს. კიდევ უფრო წინ წასვლის კარგი შანსი გვაქვს. ასე რომ, ფეხბურთით სიამოვნების მიღებასა და ახალი მიზნების მიღწევას განვაგრძობთ.

არგენტინა შესანიშნავი გუნდია, რომლის რიგებშიც არაერთი უმაღლესი დონის ფეხბურთელი თამაშობს. თუმცა, არავისი გვეშინია. მოედანზე გავალთ და სანახაობრივ ფეხბურთს ვაჩვენებთ.

მსოფლიოს ჩემპიონატის მოგება? ეს ნამდვილი სასწაული იქნებოდა, მაგრამ ამაზე არავინ ფიქრობს. კონკურენტები ძალიან ძლიერები არიან და მათი დამარცხება რთული იქნება.” – ციტირებს ვიტსელის სიტყვებსGoal-ი.