ჰოლანდიის ეროვნული ნაკრების შემტევმა, არიენ რობენმა მსოფლიოს ჩემპიონატის 1/4-ფინაში კოსტა რიკასთან გასამართ მატჩზე ისაუბრა.

“ბრაზილიაში იმისთვის ვართ, რომ თამაშები მოვიგოთ და რაც შეიძლება შორს წავიდეთ. აქ იმისთვის არ ვართ, რომ ამინდით სიამოვნება მივიღოთ და რიოს სანაპიროზე გავერთოთ.

1/4-ფინალში ვართ, მაგრამ ეს შედეგი სიამაყის საფუძველს არ იძლევა, რადგან უფრო შორს წასვლას ვგეგმავთ. კოსტა რიკა ძლიერი გუნდია, რომელმაც ძალიან დიდ სიმაღლეებს მიაღწია. სრულად კონცენტრირებულნი უნდა ვიყოთ.

კოსტა რიკა გავიდა ჯგუფიდან, რომელშიც იტალია, ინგლისი და ურუგვაი თამაშობდნენ. მათი წარმატება შთამბეჭდავია.” – ციტირებს რობენის სიტყვებს Goal-ი.