მსოფლიო საფეხბურთო ჩემპიონატის მეოთხედფინალში “მარაკანაზე” გასამართ დიდ ევროპულ დერბიმდე ბევრი დრო აღარ დარჩა. საფრანგეთისა და გერმანიის ნაკრებთა გულშემატკივრები სტადიონთან დილიდანვე შეიკრიბნენ. ზოგი მათგანი უკვე ტრიბუნაზეც ზის. ჩვეულებისამებრ, თავისი ქვეყნის დროშებით ხელში, სახემოხატულები, სხვადასხვა თავსაბურავებით მოკაზმულები გაჰყვირიან: “ალე ფრანსე”, “ალეს დოიჩლანდ”.

მიმდინარე მუნდიალზე ეს “მარაკანაზე” ჩასატარებელი ბოლოსწინა შეხვედრაა. ამის შემდეგ მხოლოდ ფინალი იქნება 13 ივლისს. შეგახსენებთ, რომ აქამდე საფრანგეთი და გერმანია ერთმანეთს მსოფლიო პირველობებზე ორჯერ – 1982 და 1986 წლებში შეხვედრიან. ორივეჯერ ნახევარფინლაში და ფრანგებს ჯერ არ მოუგიათ.

ლაშა თაბაგარი worldsport.ge-ს სპეციალური კორესპონდენტი რიო დე ჟანეიროდან