ჰოლანდიის ეროვნული ნაკრების მეკარემ, ტიმ კრულმა, კოსტა რიკის წინააღმდეგ პენალტების სერიაში მოგებული მატჩის შემდეგ, განაცხადა, რომ თერთმეტმეტრიანებისთვის 7 კვირიანმა მომზადებამ შედეგი გამოიღო. ვან გაალმა "ნიუკასლის" მეკარე მოედანზე, დამატებითი დროის ბოლოს შეიყვანა და ჰოლანდიელი სპეციალისტის ცვლილებამ აშკარად გაამართლა _ 2 სეივი კრულის ანგარიშზეა.
"თქვენ ნახეთ შედეგი, თუ როგორ ვემზადებოდით 7 კვირისგანმავლობაში პენალტების სერიისთვის. მე და ფრანს ჰოეკი (მეკარეთა მწვრთნელი) განუწყვეტლივ ვმუშაობდით, ბოლოს კოსტარიკელების თამაშს ვაკვირდებოდით, შევისწავლეთ და შემდეგ სათანადოდ ვიმოქმედეთ." _ განაცხადა კრულმა.
შეგახსენებთ, რომ ჰოლანდიის ეროვნულ ნაკრებს ნახევარფინალში ტურნირის ერთ-ერთი ფავორიტი არგენტინის ნაკრები დაუპირისპირდება.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია