მსოფლიოს 2014 წლის ჩემპიონატი, სტადიონებზე დასწრების მხრივ, მე-2 ადგილზეა და მხოლოდ 1994 წელს ამერიკის შეერთებულ შტატებში გამართულ მუნდიალს ჩამორჩება.

ბრაზილიაში მიმდინარე ჩემპიონატის ერთ თამაშს, საშუალოდ, 52762 ადამიანი ესწრება. ეს მონაცემები 60 მატჩის შემდეგაა დათვლილი.

1/4-ფინალური თამაშების შემდეგ, ბრაზილიაში მიმდინარე ტურნირმა აქამდე მე-2 ადგილზე მყოფ გერმანიის ჩემპიონატს გადაასწრო. 2006 წლის მუნდიალზე, თამაშს საშუალოდ 52491 ადამიანი ესწრებოდა.

რაც შეეხება 1994 წელს აშშ-ში გამართულ პირველობას, ეს ტურნირი რეკორდმენი კიდევ დიდი ხანი იქნება. 20 წლის წინათ გამართულ ჩემპიონატზე, თამაშს საშუალოდ 68991 გულშემატკივარი ესწრებოდა.