ბრაზილიის ფეხბურთის ფედერაციამ ეროვნული ნაკრების კაპიტნის, ტიაგუ სილვას მიერ კოლუმბიასთან მიღებული ყვითელი ბარათი გაასაჩივრა.
მსოფლიოს ჩემპიონატის 1/4-ფინალში, ბრაზილიასა და კოლუმბიას შორის გამართულ მატჩში, ტიაგუ სილვამ ყვითელი ბარათი მეტოქე გუნდის მეკარისთვის ბურთის წესების დარღვევით ართმევის გამო მიიღო. ეს, მისთვის, მე-2 გაფრთხილება იყო, რაც გერმანიასთან გასამართი ნახევარფინალის გამოსატოვებლად საკმარისია.
FIFA-ში ადასტურებენ, რომ ბრაზილიის ფეხბურთის ფედერაციის საჩივარი მიიღეს და ახლა ამ საკითხის შესწავლა მიმდინარეობს.
როგორც არ უნდა დასრულდეს ბრაზილიელთა საჩივრის განხილვა, “სელესაო” ნახევარფინალს მაინც დიდი დანაკლისით ხვდება – სკოლარის გუნდს ტრავმირებული ნეიმარი არ ეყოლება.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია