არგენტინის ნაკრების ერთ-ერთი ლიდერი ანხელ დი მარია იმედს არ კარგავს, რომ მისი გუნდი მსოფლიოს ჩემპიონატის ფინალში გავა და ის ამ მატჩში ითამაშებს.
დი მარიამ ტრავმა ბელგიასთან გამართულ მეოთხედფინალურ შეხვედრაში მიიღო. ექიმების თქმით, მისთვის მსოფლიოს ჩემპიონატი დასრულებულია, მაგრამ თავად ფეხბურთელი იმედს არ კარგავს.
“ფინალში თამაში მინდა. თავს მოვიკლავ და გამოჯანმრთელებას მოვასწრებ. თუ არგენტინა მსოფლიოს ჩემპიონატის ფინალში გავა, გუნდთან ერთად უნდა ვიყო. თანაგუნდელებს ვჭირდები.” – ციტირებს დი მარიას სიტყვებსAS-ი.
გავრცელებული ინფორმაციით, დი მარია ღეროვანი უჯრედებით მკურნალობას აპირებს. სწორედ ასე მკურნალობდა ის ჩემპიონთა ლიგის ფინალის წინ.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია