ფიფამ ბრაზილიაში მიმდინარე მსოფლიო ჩემპიონატის მეორე ნახევარფინალურ დაპირისპირებაში ჰოლანდიისა და არგენტინას შორის, მთავარ მსაჯად ჯუნეით ჩაქირი მიავლინა.

თურქმა არბიტრმა მიმდინარე მუნდიალზე რუსეთის მთავარი მწვრთნელის ფაბიო კაპელოს განაწყენება მოახერხა. იტალიელმა სპეციალისტმა ალჟირის წინააღმდეგ დამთავრებული ფრე (1:1) მთავარ მსაჯს დააბრალა. კაპელოს თქმით, სანამ სლავები გოლს გაუშვებდნენ, აკინფეევს 10 წამის განმავლობაში ტრიბუნიდან თვალში ლაზერს ანათებდნენ და მსაჯს მატჩი ცოტა ხნით უნდა შეეწყვიტა. იტალიელმა ისიც აღნიშნა, რომ ჩაქირმა კოზლოვს ყვითელი ბარათი დაუმსახურებლად მისცა.

რუსეთი - ალჟირის შეხვედრაში, თურქმა რეფერიმ ფეხბურთელებს 5 ყვითელი ბარათი უჩვენა. ჩაქირისთვის მომავალი დაპირისპირება მესამე იქნება. პირველი შეხვედრა ბრაზილია - მექსიკის დაპირისპირება იყო და იმ მატჩშიც თურქი მსაჯი გულუხვი იყო - ოთხი ყვითელი ბარათი.

ჰოლანდიელები ხისტ ფეხბურთს თამაშობენ და ცოტა სიფრთხილეც მართებთ. არგენტინელები შედარებით კორექტულები არიან - 5 შეხვედრაში 5 გაფრთხილება.