ჰოლანდიის ნაკრების ერთ-ერთმა ლიდერმა, რობინ ვან პერსიმ, შესაძლოა, მსოფლიოს ჩემპიონატის ნახევარფინალში, არგენტინის წინააღმდეგ ვერ ითამაშოს. ამის მიზეზი კუჭ-ნაწლავის პრობლემაა, რის გამოც მას განცალკევებით ვარჯიში უწევს.

“ვან პერსის კუჭ-ნაწლავის პრობლემა აქვს. ჯერ არ ვიცი, ითამაშებს თუ არა ის არგენტინასთან. გადაწყვეტილებას მე მივიღებ. ვან პერსი ჩვენი კაპიტანი და გუნდისთვის ძალიან მნიშვნელოვანი ფეხბურთელია. ჩემს გუნდებში კაპიტნები ყოველთვის თამაშობენ, მაგრამ ამისთვის ჯანმრთელობაა საჭირო.” – აცხადებს ჰოლანდიელთა მთავარი მწვრთნელი ლუი ვან გაალი.

ცნობისთვის, ვან პერსი, 46 გოლით, ჰოლანდიის ნაკრების ისტორიაში საუკეთესო ბომბარიდია. მსოფლიოს მიმდინარე ჩემპიონატზე ჩატარებულ 4 მატჩში მის ანგარიშზე 3 გოლია.