გვიან ღამით დარსულებული ნახევარფინალური მატჩი, რომელშიც ერთმანეთს გერმანიისა და ბრაზილიის ეროვნული ნაკრებები უპირისპირდებოდნენ, ბევრი სხვა რეკორდისა თუ ანტირეკორდის გარდა, მიროსლავ კლოზეს მიერ გატანილი გოლითაც გამოირჩა. ეს გოლი იმის მაუწყებელი გახდა, რომ კლოზე მსოფლიო ჩემპიონატების ისტორიაში საუკეთესო ბომბარდირი გახდა.

მუნდიალის დაწყებამდე კლოზეს ანგარიშზე 14 გოლი იყო და მხოლოდ ერთით ჩამორჩებოდა ბრაზილიელ რონალდოს. ჯგუფური ეტაპის მეორე მატჩში, განელთა კარში გატანილი გოლით, გერმანელი თავდამსხმელი რონალდოს გაუთანაბრდა, წუხანდელ მატჩში კი, როდესაც მისი დარტყმის შემდეგ ანგარიში 2:0 გახდა, პირველ საფეხურზე გადაინაცვლა.

მუნდიალის ისტორიაში საუკეთესო ბომბარდირთა ხუთეული ასე გამოიყურება:

მიროსლავ კლოზე (გერმანია) 16

რონალდო (ბრაზილია) 15

გერდ მიულერი (გერმანია) 14

ჟუსტ ფონტენი (საფრანგეთი) 13

პელე (ბრაზილია) 12

შეგახსენებთ, რომ მიმდინარე ჩემპიონატი კლოზესთვის მეოთხეა – კორეა-იაპონიასა (2002) და გერმანიაში (2006) მან ხუთი გოლი გაიტანა, სამხრეთ აფრიკაში (2010) გამართულ მსოფლიოს ჩემპიონატზე კი ოთხი გოლით გამოირჩა.

ლევან გოგოტიშვილი