გერმანიის ეროვნული ნაკრების ცენტრალური ნახევარმცველი, ტონი კროოსი, ბრაზილიელთა წინააღმდეგ საკუთარი გუნდის თამაშით აღფრთოვანებულია. ამის შესახებ მან FIFA-ს ოფიცალურ საიტთან ინტერვიუში ისაუბრა:

“ეს გერმანიის ნაკრების საუკეთესო შეხვედრაა, რომელშიც მონაწილეობა მიმიღია. გამარჯვების პირველი წუთიდანვე გვჯეროდა, მეტოქის მოქმედებებში კი თავდაჯერებულობა არ იგრძნობოდა და ამით ვისარგებლეთ. ანგარიშის გახსნის შემდეგ, გოლები ერთმანეთს მიჰყვა. თამაშის დაწყებამდე, ეს ანგარიში ვინმეს რომ ევარაუდა, არ დავუჯერებდი! საოცარი შეხვედრა ჩავატარეთ. ჩვენ აქ ჩემპიონობისთვის ჩამოვფრინდით. ბედნიერები ვართ, მაგრამ წინ გადამწყვეტი მატჩია. მსოფლიო ჩემპიონი ნახევარფინალში არავინ გამხდარა.” – განაცხადა კროოსმა.

ცნობისათვის, კროოსმა აღნიშნულ მატჩში დუბლი მიითვალა. მან თავი 24-ე და 26-ე წუთებზე გამოიჩინა. ამ გოლებს შორის ინტერვალი მხოლოდ 69 წამი იყო, რაც მსოფლიო ჩემპიონატის რეკორდია. მატჩის შემდეგ, კროოსი შეხვედრის საუკეთესო მოთამაშედ დაასახელეს.

ლევან გოგოტიშვილი