წუხელ, მსოფლიო ჩემპიონატის ნახევარფინალურ მატჩში, გერმანელებმა ბრაზილიის ნაკრები გაანადგურეს (7:1) და ფინალში გავიდნენ. ამასთან დაკავშირებით, გერმანიის ეროვნული ნაკრების ცენტრალურმა მცველმა, მატს ჰუმელსმა, კომენტარი გააკეთა და თავის თანაგუნდელებს ნახევარფინალის მალე დავიწყებისა და ფინალზე გადართვისაკენ მოუწოდა. ჰუმელსის კომენტარს Goal.com ავრცელებს:

“ჩვენ მხოლოდ ფინალზე უნდა ვიფიქროთ, თამაშით სიამოვნება მივიღოთ და საუკეთესო ფეხბურთი ვაჩვენოთ. რაც შეეხება ნახევარფინალს, დაკისრებული მოვალეობა ყველამ იდეალურად შეასრულა. ცხადია, ასეთი გამარჯვება განსაკუთრებულია, მაგრამ მიზანი ჯერ მიღწეული არაა და სანუკვარ ტიტულს ერთადერთი ნაბიჯი გვაშორებს.” – განაცხადა ჰუმელსმა.

ჰუმელსი ბრაზილიასთან მატჩში პირველი ტაიმის შემდეგ შეცვალეს. მის ნაცვლად, მოედანზე პერ მერტეზაკერი გამოვიდა.

ლევან გოგოტიშვილი