გერმანიის ნაკრების ყოფილი მეკარე ოლივერ კანი მისი გუნდის მიერ ბრაზილიის განადგურებაზე (7:1) საუბრობს და აცხადებს, რომ სამხრეთ ამერიკელებმა ყველაფერი არასწორად გააკეთეს.
“ეს თამაში ბრაზილიის მთელი ნაკრებისთვის ჩავარდნა იყო. ბრაზილიელებმა, ტაქტიკურად, ყველაფერი არასწორად გააკეთეს. უცნაური იყო იმის ხილვა, როგორ ებმებოდნენ ისინი გერმანელთა ხაფანგში. ბრაზილიელთა თამაში, პირველი გოლის შემდეგ, სრულად მოიშალა.
არ ვიცი, დაფიქსირებული შედეგი ბრაზილიაზე არსებული ზეწოლის ბრალია თუ არა, მაგრამ მათ ნამდვილად არ იცოდნენ, რა უნდა გაეკეთებინათ.
ბრაზილიელები ზედმეტად ემოციურები იყვნენ და მათ გამოცდილების ნაკლებობა ეტყობოდათ.” – განაცხადა კანმა ZDF-სთან საუბრისას.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია