მსოფლიო ფეხბურთის მმართველმა ორგანიზაციამ ნიგერიის ყველა ასაკობრივ ნაკრებსა და კლუბს FIFA-ს ეგიდით გამართულ ნებისმიერ ტურნირსა თუ ამხანაგურ მატჩში მონაწილეობა აუკრძალა. აღნიშნულ ინფორმაციას FIFA-ს ოფიციალური საიტი ავრცელებს.

ასეთი მკაცრი სასჯელის მიზეზი ნიგერიის სპორტის მინისტრის მიერ ფეხბურთის ფედერაციის პრეზიდენტის გათავისუფლება გახდა. სპორტის მინისტრმა თავისი გადაწყვეტილება საფრანგეთთან განცდილი მარცხის გამო უკმაყოფილებით ახსნა.

თავის მხრივ, FIFA-მ საკუთარ განცხადებაში აღნიშნა, რომ სახელმწიფო სპორტული ორგანიზაციების საქმიანობაში არ უნდა ერეოდეს. შეგახსენებთ, რომ ანალოგიური შემთხვევის გამო, FIFA-ს ნიგერიელთა დასჯა 2010 წელსაც სურდა, მაგრამ მაშინ ქვეყნის პრეზიდენტმა მინისტრის გადაწყვეტილება გააუქმა.