ჰოლანდიის ეროვნული ნაკრების შემტევმა, არიენ რობენმა, ბრაზილიასთან მატჩის შემდეგ,Sky Sports-ს მცირე ინტერვიუ მისცა.

“ტურნირი კარგად დავასრულეთ. მართალია, ფინალში ვერ მოვხვდით და იმედგაცრუებულები ვართ, მაგრამ ჩემი გუნდით ვამაყობ და მხოლოდ კარგის თქმა შემიძლია. წარმატებასთან ძალიან ახლოს ვიყავით, მაგრამ მესამე ადგილიც მშვენიერი შედეგია.

რაც შემეხება მე, ნაკრებში ბოლომდე დავიხარჯე და ვწუხვარ, რომ ეს ჩემპიონობისთვის საკმარისი არ აღმოჩნდა” – განაცხადა რობენმა.

რობენი ამ ჩემპიონატზე ჰოლანდიელთა ერთ-ერთი გამორჩეული ფეხბურთელი იყო. მის ანგარიშზე შვიდ შეხვედრაში სამი გოლი და ერთი საგოლე გადაცემაა. გარდა ამისა მან ორი თერთმეტმეტრიანი მოიპოვა და ორივე პენალტების სერიაში (კოსტა რიკასთან და არგენტინასთან) თერთმეტმეტრიანი ზუსტად შეასრულა. არიენი მსოფლიოს ჩემპიონატის საუკეთესო ფეხბურთელის ტიტულის მოპოვების ერთ-ერთი კანდიდატია.