ინგლისის ჩემპიონ “ლესტერ სიტის” მთავარი მწვრთნელი კლაუდიო რანიერი “გაძეტა დელო სპორტთან” საუბრისას, თავისი სამშობლოს, იტალიის ეროვნული ნაკრების ასპარეზობას შეეხო ევროპის მიმდინარე ჩემპიონატზე. მისი თქმით, “სკუადრა აძურა” უბრალოდ ბრწყინვალეა.
“იტალიის ნაკრები შესანიშნავ ევროპის ჩემპიონატს ატარებს. უძლიერესი მწვრთნელი და ძალიან შეკრული გუნდი – ბიჭებს მინდა კომპლიმენტი ვუთხრა”, - თქვა რანიერიმ.
ამასთან, ინგლისის პრემიერლიგის გასული სეზონის გამარჯვებული, ინგლისის ნაკრების გამოსვლასაც შეეხო და აღნიშნა, რომ მისთვის გასაკვირი არაფერი მომხდარა:
“ინგლისური ფეხბურთი კრიზისში არაა, მაგრამ ეროვნული ნაკრები 50 წელია ევროპის ან მსოფლიოს ჩემპიონატის მოგებას ვერ ახერხებს. მათი გამოსვლა არ გამკვირვებია, ყოველთვის ასე ხდება”, - დასძინა რანიერიმ.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
Warning: preg_replace(): The /e modifier is no longer supported, use preg_replace_callback instead in /home/admin/domains/worldcup.worldsport.ge/public_html/fblogin2.php on line 222
Deprecated: str_replace(): Passing null to parameter #3 ($subject) of type array|string is deprecated in /home/admin/domains/worldcup.worldsport.ge/public_html/fblogin2.php on line 196