Geo | Eng | Rus
სარეკლამო ადგილი - 3
570 x 120
ედერი - გვინეა-ბისაუში დაბადებულის საოცარი დღე
2016-07-11 19:45 | ნახვები: 4568
1
სარეკლამო ადგილი - 10
710 x 106

ედერზიტო ანტონიო მაჩედო ლოპესისთვის, ანუ ედერისთვის 2016 წლის 10 ივლისი დავიწყარი დღე იქნება. 109-ე წუთი იყო, როცა შორეული დარტყმით გაუტანა საფრანგეთს და ამ გოლით პორტუგალიამ ისტორიაში პირველად მოიპოვა ევროპის ჩემპიონობა.

გუშინდელ დღემდე, ედერი არაფრით გამორჩეული ფორვარდი გახლდათ, ახლა კი ისტორიაში შევიდა.

ედერი პატარა ქვეყენაში, გვინეა-ბისაუში დაიბადა და 11 წლისა იყო, როცა ოჯახთან ერთად პორტუგალიაში წავიდა საცხოვრებლად. მისი ტალანტი პორტუგალიას აოცებდაო, ვერ ვიტყვით. საშუალო დონის ფეხბურთელმა ოთხი წელი "აკადემიკაში" ითამაშა, მერე სამი წელი "ბრაგაში" იყო და სწორედ იქ მოიპოვა სახელი. შარშან "სუონსიმ" იყიდა, მაგრამ ვერაფერში გამოადგა (უგოლოდ დატოვა ინგლისი) და "ლილში" გაანათხოვრეს, სადაც მიზანი გაოსწორა. "ლილმა" ამ ზაფხულს გამოისყიდა მისი სატრანსფერო უფლებები.

ედერი 28 წლისაა, 10 ივლისამდე ნაკრებში სწორედ 28 მატჩი ჰქონდა ჩატარებული და 3 გოლი გაეტანა, მაგრამ სამივე ამხანაგურში: იტალიასთან, ნორვეგიასთან და ესტონეთთან.

და აი, პირველი სანაკრებო გოლი ოფიციალურ შეხვედრებში - პარიზში, ევროპის ჩემპიონატის ფინალში, 109-ე წუთზე. თანაც, მშვენიერი გოლი.

ედერმა ფინალის შემდეგ განაცხადა, რომ კრიშტიანუ რონალდუს სიტყვებმა განსაკუთრებით შეაგულიანა. შეცვლაზე რომ შედიოდა, რონალდუს უთქვამს, გადამწყვეტ გოლს შენ გაიტანო...



Deprecated: mysql_connect(): The mysql extension is deprecated and will be removed in the future: use mysqli or PDO instead in /home/worldsport/web/worldcup.worldsport.ge/public_html/pages/wsComments.php on line 55

Warning: mysql_connect(): Access denied for user 'admin_worldsport'@'localhost' (using password: YES) in /home/worldsport/web/worldcup.worldsport.ge/public_html/pages/wsComments.php on line 55
Cannot access MySQL Host