მიუნხენის “ბაიერნისა” და ჰოლანდიის ეროვნული ნაკრების შემტევი, არიენ რობენი, არგენტინასთან წაგებული ნახევარფინალური მატჩის შემდეგ, ჟურნალისტებს გაესაუბრა:

“ყველაფრის მიუხედავად, ჩვენ უდიდესი სამუშაო გავწიეთ და ბევრს მივაღწიეთ. ბევრისთვის დიდი მოულოდნელობა იყო ჰოლანდიის ნახევარფინალში გასვლა. ცხადია, ახლა გულდაწყვეტილი ვარ, მაგრამ თავს ზევით ძალა არაა – ყველაფერი გავაკეთეთ, რაც შეგვეძლო.

ყველამ კარგად დაინახა ერთ მუშტად შეკრული ფეხბურთელები, რომლებიც ერთმანეთის მხარდამხარ იბრძოდნენ. ვფიქრობ, ვან გაალის მიერ შექმნილი გუნდით უნდა ვიამაყოთ.” – ავრცელებს რობენის კომენტარს FIFA-ს ოფიციალური საიტი.

შეგახსენებთ, რომ ჰოლანდიელები, გვიან ღამით დასრულებულ ნახევარფინალში, არგენტინასთან, პენალტების სერიაში დამარცხდნენ (4:2) და 12 ივლისს, თბილისის დროით 00:00 საათზე, ბრინჯაოს მედლების მოსაპოვებლად, ბრაზილიას დაუპირისპირდებიან.

ლევან გოგოტიშვილი