ბრაზილიიის ნაკრების ყოფილმა ფორვარდმა, 1994 წლის მსოფლიო ჩემპიონმა და საუკეთესო ფეხბურთელმა რომარიომ "პენტაკამპეონების" სირცხვილის მიზეზი ახსნა. მან ლუიშ ფელიპე სკოლარი და ფეხბურთელები დაიცვა, სამაგიეროდ, მწვავედ გააკრიტიკა ბრაზილიური ფეხბურთის მამები:
"იქ ყაჩაღები მუშაობენ. ბრაზილიის ფეხბურთის კონფედერაციაში დიდი კორუფცია სუფევს. ქვეყნის მთავრობას ვთხოვე, რომ ფედერაციის საქმიანობაში ჩავრეულიყავი, მაგრამ არ მომისმინეს. "მარაკანას" რეკონსტრუქციაში მილიარდი დოლარი დაიხარჯა, მაგრამ იქ ფინალში ბრაზილიის ნაკრები ვერ ითამაშებს. ეს სირცხვილია! აი, ესაა "მუშაობის" შედეგი. ბრაზილიური ფეხბურთი დეგრადირებულია. სპორტის სახეობა, რომელიც ჩვენს ქვეყაში რელიგიის დონეზეა აყვანილი, ღრმა კრიზისშია ჩაფლული და ეს იმის გამო, რომ ვიღაცეები ხელს ითბობენ".
აქვე ვთქვათ, რომ შესაძლოა, სკოლარის გერმანელებთან განცდილი საშინელი მარცხი აპატიონ და ნაკრების მწვრთნელად დატოვონ. თავად სკოლარის კომენტარი ასეთია:
"რა თქმა უნდა, პასუხისმგებლობას საკუთარ თავზე ვიღებ. გავაანალიზებთ მომხდარს და ამის მიხედვით ვიმოქმედებთ. მუნდიალის დასრულების შემდეგ კონფედერაციის ხელმძრვანელებს შევხვდები, კარგზეც ვიტყვით და ცუდზეც".
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია