კოლუმბიის ეროვნული ნაკრების ფეხბურთელის ხუან სუნიგას ოჯახმა, მას შემდეგ, რაც მცველმა ბრაზილიელ ნეიმარს მსოფლიო ჩემპიონატის მეოთხედფინალში სერიოზული ტრავმა მიაყენა, პირადი დაცვა აიყვანა. ფეხბურთელის მამის განცხადებით, სუნიგას ოჯახს აშინებენ.
"ინტერნეტით და სატელეფონო ზარებით გვაშინებდნენ. რა თქმა უნდა, ამ სიტუაციით ძალიან შევწუხდი, არა მარტო ჩემ შვილზე, არამედ მის ცოლზე და ბავშვზე. ახლა ქუჩაში პირადი დაცვით გამოვდივართ. ვიმედოვნებ, არსებული სიტუაცია მალე დაწყნარდება და ნორმალურად ცხოვრებას შევძლებთ." _ განაცხადა სუნიგას მამამ.
სუნიგამ ნეიმართან შეჯახებისას, ბრაზილიელს ხერხემლის მესამე მალა მოტეხა და "ბარსელონას" ფეხბურთელი პარალიზებას ბეწვზე გადაურჩა. როგორც ჩანს, გულშემატკივრებმა კოლუმბიელს საქციელი არ აპატიეს და მისი ოჯახის დაშინება გადაწყვიტეს.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია