უეფაში რუსეთის საფეხბურთო ნაკრების წინააღმდეგ სადისციპლიონო საქმე აღიძრა, აღნიშნულ ინფორმაციას უეფას ოფიციალური ვებგვერდი ავრცელებს.

საქმე ინგლისი რუსეთის (1:1) მატჩის დასრულების შემდეგ სტადიონზე მომხდარ ჩხუბს ეხება. რუსეთის ნაკრების გულშემატკივრები მშვიდობიან ინგლისელ გულშემატკივარს თავს დაესხნენ. სხვადასხვა ინფორმაციით ათობით ინგლისელია დაშავებული და სავადმყოფოში გადაყვანილი.

უეფას გადაწყვეტილება რუსეთის ნაკრების შესახებ 14 ივნისს, სამშაბათს გახდება ცნობილი.