ბელგიის ეროვნული ნაკრების ლიდერებმა ედენ აზარმა და კევინ დე ბრუინმა გუნდთან ერთად ვარჯიში განაახლეს, აღნიშნულ ინფორმაციას ბელგიის ეროვნული ნაკრების ოფიციალური ვებგვერდი ავრცელებს.

ორივე ფეხბურთელს იტალიასთან წაგებული მატჩის (0:2) შემდეგ მცირე ტრავმები აწუხებდა. წყაროს ცნობით, ისინი ახლა თავს კარგად გრძნობენ და მომდევნო შეხვედრაში ირლანდიის წინააღმდეგ გუნდს დაეხმარებიან.

ბელგია-ირლანდიის შეხვედრა 18 ივნისს თბილისის დროით 17:00 საათზე დაიწყება.