Geo | Eng | Rus
სარეკლამო ადგილი - 3
570 x 120
გერმანიამ ნავსი გატეხა
2016-07-03 03:10 | ნახვები: 5475
1234567891011121314151617181920212223242526272829303132333435363738394041424344454647484950515253545556575859
სარეკლამო ადგილი - 10
710 x 106

გერმანიის ეროვნულმა ნაკრებმა იტალია ევროპის ჩემპიონატის მეოთხედფინალში პენალტების სერიაში 6:5 დაამარცხა და ნახევარფინალის საგზური მოიპოვა. ოფიციალურ მატჩებში ბუნდესნაკრებმა პირველად მოახერხა იტალიის დამარცხება და ისიც აღსანიშნავია, რომ ლიოვის შეგირდებმა "სკუადრა აძურა" მხოლოდ პენალტების სერიაში დაამარცხეს.

როგორც მოსალოდნელი გახლდათ, მეოთხედფინალში ბურთს გერმანია ფლობდა და იტალია ძირითადად კონტრშეტევებზე ცდილობდა თამაშის აწყობას. ბუნდესნაკრებმა კარში პირველად 41-ე წუთზე დაარტყეს და 1980 წლის ტურნირის შემდეგ ასეთი ცუდი სტატისტიკა ამ ქვეყნის ნაკრებს არ ჰქონია. პირველი ნახევარი უგოლოდ დასრულდა, მეორე ტაიმში კი იტალიამ ზედიზედ სამ წუთში სამი ყვითელი ბარათი მიიღო. 65-ე წუთზე მარიო გომესმა ფლანგიდან ჰექტორ უპასა, ამ უკანასკნელმა კი გადაცემა მესუთ იოზილს გაუკეთა, რომელმაც მატჩის განმავლობაში კარში პირველად დაარტა და გოლიც გაიტანა. ამ ეპიზოდში ბურთი ბონუჩის მოხვდა და ლონდონის "არსენალის" ფეხბურთელმა რიკოშეტის შემდეგ გამოიჩინა თავი. აღსანიშნავია, რომ იოზილს იტალიის კარში 5 მატცში 3 გოლი დაუგროვდა და "სკუადრა აძურას" კარში ყველაზე მეტი გოლი სწორედ მას აქვს გატანილი.

გატანილი გოლის შემდეგ, გერმანიამ თამაში დააწყნარა და ჯერი იტალიაზე მიდგა. კონტეს შეგირდებს უნდა გაერისკათ და მასიურ შეტევებზე გადასულიყვნენ, სხვა გამოსავალი არც ჰქონდათ. გოლიდან 13 წუთში ფლორენციმ საჯარიმოში ჩააწოდა, სადაც ბურთზე ჟერომ ბოატენგი და ჯორჯო კიელინი ბრძოლობდნენ, გერმანელს ბურთი ხელზე მოხვდა და მსაჯმაც დაუყოვნებლივ თერთმეტმეტრიანი დანიშნა. პენალტი ლეონარდო ბონუჩიმ ზუსტად შეასრულა. აღსანიშნავია, რომ იტალიელთა ცენტრალურმა მცველმა კარიერის განმავლობაში პირველად მატჩში პენალტი.

გოლის შემდეგ მატჩი დაწყნარდა და არცერთი გუნდი ცდილობდა მწვავე შეტევას. ძირითადი დრო ფრედ 1:1 დასრულდა. დამატებით 30 წუთში არაფერი შეიცვალა. აღსანიშნავია, რომ მსაჯმა კომპენსირებულ დროს 3 წუთი დაამატა, თუმცა ნელი ტემპის გამო მატჩი დროის გასვლამდე ორი წუთით ადრე დასრულდა.

საბოლოოდ ვნებათაღელვა თერთმეტმეტრიანების სერიაში გადაიზარდა. საფეხბურთო ლატარეაში ფეხბურთის მოყვარულებს ჯანლუიჯი ბუფონის და მანუელ ნოიერის დაპირისპირება აინტერსებდათ. 5-5 დარტყმის შემდეგ ანგარიში 2:2 გახლდათ, ამის შემდეგ კი გერმანია უბადლოდ ასრულებდა დარტყმებს. "სკუადრა აძურა" “მანჩესტერ იუნაიტედის" ფეხბურთელმა მატეო დარმიანმა დააღალატა, რომლის დარტყმულიც ნოიერმა მოიგერია, მატჩის გმირი კი იონას ჰექტორი გახდა და თავისიანები შემდეგ ეტაპზე გაიყვანა.

გერმანიამ პირველად მოახერხა იტალიის ევროპის ან მსოფლიოს ჩემპიონატიდან გამოთიშვა, ჯამში კი "სკუადრა აძურა" პენალტების სერიაში ევროპის ჩემპიონატებზე 5-დან სამჯერ გამოვარდა.

ამრიგად, გერმანია აგრძელებს წარმატებულ გზას, რომელიც მსოფლიოს ჩემპიონატზე დაიწყო და ამჟამად ევროპის ჩემპიონატის მოგება წყურია. თავის მხრივ კი იტალიამ, მიუხედავად დანაკლისებისა, ევროასპარეზზე ღირსეულად იასპარეზა. გულშემატკივრებს იმედი ჰქონდათ, რომ 1968 წლის შემდეგ, ანტონიო კონტეს გუნდი ნავსს გატეხავდა და ტურნირს მოიგებდა, თუმცა "სკუადრა აძურა" ოცნების ახდენას 2020 წელს შეეცდება.

გერმანია – იტალია 1:1 პენ: 6:5 (0:0)

ბორდო, “სტად დე ბორდო”

მაყურებელი: 38 764

გერმანია (3-5-2): ნოიერი; ჰიოვედესი, ბოატენგი, ჰუმელსი; კიმიხი ჰექტორი; ხედირა (შვაინშტაიგერი 16), კროოსი, იოზილი, ჰექტორი; მიულერი, გომესი (დრაქსლერი 72)

მწვრთნელი: იოაჰიმ ლიოვი

იტალია (3-5-2): ბუფონი; ბარძალი, ბონუჩი, კიელინი (ძაძა 120); ფლორენცი (დარმიანი 86), სტურარო, პაროლო, ჯაკერინი, დე შილიო; ედერი (ინსინიე 108), პელე

მწვრთნელი: ანტონიო კონტე

გოლები: 1:0 იოზილი (65), 1:1 ბონუჩი (78, პენ)

პენალტების სერია: 0:1 ინსინიე, 1:1 კროოსი, 1:1 ძაძა (ააცილა), 1:1 მიულერი (მეკარე), 1:2 ბარძალი, 1:2 იოზილი (ძელი), 1:2 პელე (ააცილა), 2:2 დრაქსლერი, 2:2 ბონუჩი (მეკარე), 2:2 შვაინშტაიგერი (ააცილა), 2:3 ჯაკერინი, 3:3 ჰუმელსი, 3:4 პაროლო, 4:4 კიმიხი, 4:5 დე შილიო, 5:5 ბოატენგი, 5:5 დარმიანი, 6:5 ჰექტორი

გაფრთხილება: ჰუმელსი (90), შვაინშტაიგერი (112) – სტურარო (56), დე შილიო (57), პაროლო (59), პელე (91), ჯაკერინი (103

სტატისტიკა – კარისკენ დარტყმები: 13 (3) – 12 (3) ბურთის ფლობა: 59%-41% კუთხურები: 7:5 თამაშგარე: 0:2

მატჩის საუკეთესო ფეხბურთელი: მანუელ ნოიერი

მსაჯი: ვიქტორ კაშაი (უნგრეთი)



Deprecated: mysql_connect(): The mysql extension is deprecated and will be removed in the future: use mysqli or PDO instead in /home/worldsport/web/worldcup.worldsport.ge/public_html/pages/wsComments.php on line 55

Warning: mysql_connect(): Access denied for user 'admin_worldsport'@'localhost' (using password: YES) in /home/worldsport/web/worldcup.worldsport.ge/public_html/pages/wsComments.php on line 55
Cannot access MySQL Host